02.12.2007
Un projecte per Grabels : QUE SÈM ?
Un projecte per Grabels : QUE SÈM ?
Un collectiu
An'aquel jorn, un centenat de ciutadans grabelencs qu'an decidit de s'afrairar liurament per bastir un projècte novelaire per la comuna. Respondèron a la sonada mandada per dos conselhiers comunaus contrariaires, Renat Revòl e Pascal Heymes que saupèron superar las partisons de las comunalas passadas per trabalhar amassa.
Junts dins la diversitat
Acampats dins una frairiá independenta, avèm dubert la discutida amb los estajants per bastir amassa un projècte federaire per Grabels e qu'esclapa amb l'inmovedis e l'incoërència de uèi. De desparièras generacions , vielhs grabelencs o novelament establits, sèm de desparièras sensibilitats politicas. Renat Revòl conegut coma socialista, Pascal Heymes sens pertenament politic mas de sensibilitat de cèntre-senèstra. Entre nautres i a una granda diversitat, mas sèm recampats per un meteis ideau republican: cercar de longa l'interès general, ajudar en primièr los que son dins la difficultat, desvolopar e organisar la ciutat dins lo respèct de l'environament, bastir une solidaritat vertadièra... çò que cal esser totjorn la mira dels elegits del pòble. L'escala de la comuna es sovent un nivel poderós per obrejar un tal ideau.
Un prepaus: « N'avèm pron del betum, ara Grabels deu s'equipar, Grabels deu s'airejar » . D'efièch lo crèis mai que mai lèst de nostra comuna de fòravila congrèet una urbanisacion estofamenta e caluga, alara que Grabels gausis d'un environament natural exceptionau. Mestrejar l'urbanisacion per la rendre pus umana, crear los servicis e equipaments collectius, sociaus e esportius que se cal esperar d'una comuna d'aquela estenduda; acompanhar lo crèis de la Valsièra amb d'equipaments que li mancan fòrça; afavorir los anant e venent dins lo vilatge coma cap al tram. Los dorsiers mancan pas.
La nostra mira: Las votacion comunalas que venon. Volèm qu'aquel projecte novadis elaborat, siá portat, a las votacions comunalas que venon, per una lista republicana d'acampada que prepausèm a Renat Revòl de menar.
Lo nostre metòde : la clarum e lo dobriment als autres. La clarum: Rebutam los parlejaments, los tractaments secrets e lo jòc de çò que se dis cauta-cauta, que publican al veire de totes lo nòstre caminar e las nostras proposicions. Lo dobriment als autres: acabar amb las partisons passadas e estèrlas, dobrissant la nostra accion a totes los que se reconeisseran dins lo nòstre caminar e dins las proposicions elaboradas comunament.
QUI SOMMES-NOUS ? (texte et vidéo)
Contact : unprojet.pourgrabels@laposte.net
20:30 Lien permanent | Commentaires (3) | Trackbacks (0) | Envoyer cette note | Tags : QUE SEM ?